واحة الشباب والبنات

ماشيه فى الشارع لا بيا ولا عليا اذ فجاه الاقى واحده صديقتى من ايام الطفوله

قابلتنى طبعا خدتها بالحضن وعامله ايه يا حبيبتى ... وبوس واحضان بقى

بدا الحوار

ازيك يا بت ؟؟

بخير والله تمام .. وانتى اخبارك ايه وحشانى والله ؟؟

انتى اكتر والله.. .بقولك ايه انارايحه اعمل استمورنج اصلى صحيت من النوم متاخره

ونزلت بسرعه و .. و

استنى استنى رايحه تعملى ايه .. استمورنيج ..؟؟!! وده من ايه يعنى ؟؟

استمورنينج يا بت ايه مش عارفه يعنى ايه استومرنيج ده كلمه روشه طحن اخر حاجه

روشه طحن ا..خـر .. ايه ده يابنتى انتى بتجيبى الكلام ده منين؟؟

ماعلينا ... قوليلى بقى انتى اخبارك ايه ؟؟

اسكتى يابت ده الابلتين لدع فى دهاليز الحياه معايا خالص

يانهار ابيض.. كل ده فى قلبك وساكته يا حبيبتى .. بس انتى بتعانى من ايه يعنى ايه مشكلتك؟؟

لالا يابنتى متتخضيش قصدى اقولك ان الحياه ملطشه معايا و اشفرت ع الاخر

اشفرتى.. اه معلش بكره يروح ان شاء الله

هو ايه ده الى يروح يابنتى .. بقولك ايه لخصى بقى عشان ورايا معاد كمان ساعه

طيب .. ما علينا انتى رايحه فين ؟؟

انا مروحه انتى فى طريقى مش كده

اه .. طيب يلا ؟؟

ها قوليلى ايه نظامك انهرده ؟؟

نظامى الحمد لله كويس

والله يابت شكلك بتقضيها انتخه طول اليوم ..

لالا والله عمرى معملتها خالص

عملتى ايه يابت انتى شكلك بتشتغلينى والله وهتطلعى افتكاسه زى الى قبلك

هو فيه ايه انا مش فاهمه حاجه ..

لالا ده موضوع حبقى احكيهولك بعدين

طيب ماعلينا انتى مش قولتى وراكى ميعاد .. روحى بقى ميعادك وسيبينى الله لا يسيئك

لالا خلاص نفضى بقى بلا معاد بلا نيله ..

انفض ايه .. فيه حاجه على هدومى .؟؟

انتى يا بت شكلك فى الطراوه خالص

اووف انا ارفت منك ... متكلمينى يابنتى زى مبكلمك كده ؟؟

بقولك ايه اخلعى دلوقتى لاحسن البت شاكى الرخمه جايه علينا اهى

انا اصلا ماشيه من غير لاشاكى ولا باكى انا ارفت منك وكان يوم اسود يوم معرفتك

القصه دى بتحصل كل يوم من الاولاد ومن البنات
وغيرها كتير من المصطلحات الغريبه الى غزت اللغه العربيه

اللغه الشريفه .. العظيمه...اللغه الى نزل بيها القران الكريم

ولهجة الروشنة دى .. تعتمد على تركيب كلمات مختلفة فى المعنى أو الاستعانة بتشبيهات معينة لتكوين الجملة الروشة

فلغة الروشنة برغم أنها بتنطق باللغة العربية الا أن معانيها غامضة وغير مفهومة بالنسبة لقطاع الكبير من المجتمع

ومهما كانت الأسباب لازم نفتكر أن اللغة هى وسيلة تواصلنا مع الآخرين ومسألة انفراد الشباب بلغة معينة تعنى انعزاله عن باقى المجتمع خصوصاً الأجيال السابقة اللى تخطت مرحلة الشباب

ومعناه كمان تخلينا عن انتمائنا للغتنا وحضارتنا لبلدنا ...

ومش معنى كلامى أننا نمنع الكلام باللغة دى لأن ده بقى صعب بعد انتشارها بالصورة الكبيرة دى لكن ممكن يكون الكلام بيها على سبيل الطرافة والفكاهة .. لكن استخدمها كلغة أساسية للتعامل مع الغير حتفقد خطوط تواصل كتير ومهمة مع الآخرين الشخص بيكون محتاجها فى حياته

» القلب الأسود" فيلم عن القرارات المصيرية فى حياة الشباب