بحبك اكتر ... !!!
مع كل حبي .. جوايا اكتر
مع كل طلعة شمس .. بحبك اكتر
مع كل همسة .. مع كل نسمة
مع كل مداعبة هوا للشجر
بحسك اكتر
مع كل فجر .. وسجدة كل مصلي بيدعي
بفتكرك اكتر .. وبدعي لك اكتر
مع كل نظرة أمل .. ساعة عمل
جوايا شوق .. وبيكبر اكتر
مع كل جمعة أحباب .. لمة صحاب
بسرح معاك .. بفتكرك اكتر
مع كل ضحكة من جوه قلبي
مع أي تنهيدة ...
توحشني اكتر
مع أي دمعة حزن .. أو حتى جرح لقلبي
بحتاجلك اكتر
مع كل بعد منك يا حبي
وعارفة انك
ح تقولي
سامحي
كان غصب عني
بتمنى قربك
اكتر .. واكتر !
موضوع: بحبك اكتر ... !!! 
الأحد يوليو 18, 2010 7:17 am
