محتاجة لك ... !
حبيبي .. محتاجة لك
محتاجة لحضنك
لشوقك
لقلبك
لحنانك
حبيبي .. محتاجة لك
محتاجة لمسة أيديك تحسني
محتاجة نظرة عنيك تضمني
محتاجة دقات قلبك تحتويني
ايوة أنت كلك ... تهمني
حبيبي .. محتاجة لك
حبيبي محتاجة وعدك
إن طول العمر دايما
ح تبقى جنبي
إن مهما البعد ياخدك
ترجع بكل شوق
وأنسى بيك
كل همي
حبيبي .. محتاجة لك
حبيبي محتاجة صدك
لأي غدر زمان
ح يهزني
لأي إحساس بوحدة
ممكن يعتريني
ولحد غيرك احتمال
يشدني
لأي غربة جوه نفسي
من طول غيابك
تهدني
حبيبي .. محتاجة لك
وأنت وحدك
تخصني !
موضوع: محتاجة لك ... ! 
الأحد يوليو 18, 2010 7:15 am
